Plantun de Prouvènço

Pèr coumpara dos planto d'encò nostre

Fragaria viridis & Pilosella anchusoides

Majoufié

Fragaria viridis

Rosaceae

Àutri noum : Fraguié, Ambrouso.

Nom en français : Fraisier vert.

Descripcioun :
Aquéu majoufié (o fraguié) douno d'èr au fraguié coumun, que s'arregardas pas de proche pòu engana eisa. Trachis dins li bos fres de colo e de basso mountagno majamen dins li blachiero. Sèmblo adounc à Fragaria vesca, pamens èi mai grand e fort dins touto si partido ; li flour soun pu grando (souvènt > 20 mm). Se destrìo peréu emé si fueio mai pelouso e subretout si fueioun dóu "calice" que soun revessa sus lou fru (escarta encò dóu fraguié coumun).

Usanço :
Lou fru èi de segur manjadis, mai pas tant bon qu'aquéu dóu fraguié, Fragaria vesca (mèfi pamens de l'equinocoucoso). Li flour e li fueio soun tambèn bono à manja. Se fai de tè emé li fueio. Touto la planto fai pissa e èi tounico e depurativo. Li racino soun bono contro la cagagno (astringènto).

Port : Erbo
Taio : 8 à 50 cm
Fueio : coumpausado
Tipe bioulougico : Emicriptoufite
Cicle bioulougico : Planto renadivo

Gènre : Fragaria
Famiho : Rosaceae

Ordre : Rosales

Coulour de la flour : Blanco
Petalo : 5
Ø (o loungour) flour : 14 à 25 mm
Flourido : Printèms

Sòu : Ca
Autour basso e auto : Pancaro entresigna
Aparado : Noun
Mai à jun

Liò : Blachiero
Estànci : Subremediterran à Mountagnard
Couroulougi : Éurasiatico-Centre-Ouèst
Ref. sc. : Fragaria viridis Weston, 1771

Peludello(-fausso-lengo-de-biòu)

Pilosella anchusoides

Asteraceae Compositae

Nom en français : Piloselle faux buglosse.

Descripcioun :
Aquesto peludello trachis dins li tepiero seco e li garrigo. Es uno planto forço peludo d'en pertout ço que i'a douna lou noum de fausso-lengo-de-biòu (= faus Anchusa). Fai partido dóu group de peludello que fan uno paumo pourtado pèr uno cambo mai o mens longo. Apoudèn qu'aquesto planto èi bèn verdo o un pau rouginasso mai pas jamai verdalo au contro de Pilosella visianii.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 20 à 60 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Pilosella
Famiho : Asteraceae
Famiho classico : Compositae
Tribu : Cichorieae
Ordre : Asterales

Coulour de la flour : Jauno
Petalo : >6
Ø (o loungour) enflourejado : 1 à 1,5 cm
Flourido : Printèms - Estiéu

Sòu : Ca
Autour basso e auto : 100 à 1600 m
Aparado : Noun
Mai à juliet

Liò : Tepiero seco - Garrigo
Estànci : Mesoumediterran à Mountagnard
Couroulougi : Éuropenco-Sud-Ouèst
Ref. sc. : Pilosella anchusoides Arv.-Touv., 1880

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Fragaria viridis & Pilosella anchusoides

ges

Coumpara Majoufié emé uno autro planto

Coumpara Peludello(-fausso-lengo-de-biòu) emé uno autro planto